© Kasam SHAQIRVELA
MARRAMENDJE
Është çakorduar busulla e vjetër
Ka kohë që polet e veta s’i njeh!
Murlanet flenë në gji vullkanesh
E fshehin shënimin për idolet
Një absurditet i paparë
Vuajtjet shkojnë e vijnë prap’
Rrjedhin pashkëputur si ujvarë
Loti e mbush edhe detin
Por uji, pse ngel në trap?!
Kufirin ku e paskan marrëzirat,
Agonitë edhe sa do të vallëzojnë?
Nëse marsi nuk i shëron plagët ,
Sërish tufanet do t’i rrëzojnë!