Të prita
Kur të bien akrepat e orës
Cep me cep
Me njëra-tjetrën
Me zogjtë e pranverës
Kënduam këngën
E ditëlindjes së verës
Në mëngjes
Me rrezet e diellit
Trokita në dritare
Bashkë me flladin e erës
Të putha në faqe
Lëndina
Të qeta ëndrrash
Me sy pasqyrë
Burim që ushqen
Vargje poezie
Në ditën e lindjes
Më panë me zili
I dua ëndrrat
Ja thash me ëmbëlsi
Kënga endet me ty
Si endet zogu verës
Për ty lulëzon dhe
Lulja e pranverës.
