Muzika u bë refreni kryesor në Shkodër i aktiviteteve kulturore të fundjavës që lamë pas teksa seria e tyre nisi me edicionin e parë të “Fam Fest”, festivalit kushtuar familjes organizuar në sheshin “Nënë Tereza” nga Federata e Familjes në bashkëpunim me Federatën e Paqes Universale.
Pjesë e aktivitetit ishin këngëtaret Myfarete Laze, Rezarta Smaja dhe të tjerë ndërsa të pranishmit mbanin pankarta me mesazhe për familjen ku në përfundim të koncertit ata marshuan përgjatë pedonales “28 Nëntori” ku në mënyrë simbolike ndezën fenerët në balonat fluturuese duke i lëshuar lart në qiell.
Pjesë e aktiviteteve të fundjavës u bë edhe eventi me muzikë daneze dhe shqiptare në qendrën rinore “Arka” nga dyshja daneze e kitarës Gantriis – Zimmerman, iniciativë e përbashkët e konsullit të Austrisë në Shkodër Gjergj Leqejza me atë të Danimarkës Përparim Kalo.
Instrumentistët danezë luajtën disa prej pjesëve më të bukura muzikore ndërsa u ndoqën me interes nga të
