Nga: Marash Gilaj
Buzëqeshja është pritja më e mirë,
Lejekalimi në marrëdhëniet njerëzore,
Për shëndetin ilaçi më i lirë,
Dhe gjuha magjike bashkëshortore.
Është mjet afrimi e relaksimi,
Sistemi ngrohës për çdo zemër bujare,
Muzika e shpirtit dhe moment gëzimi.
Paqja midis nesh fillon me buzëqeshjen,
Ajo na lëhtëson dhimbjet e na fal lumturi,
Askush si ajo nuk e kompleton veshjen,
Dhe ka më vlerë se çdo stolí.
Njeriu ka frikë nga njeriu që nuk buzëqesh,
Largohet prej tij
Buzëplasur e plor mërzi,
Këta mendje mbyllur askush nuk i desh.
Do të këshillonte një kinez,
Kur merresh me tregëti
e lufton për sukses,
pa një buzëqeshje në fytyrë,
kurrë mos guxo të hapësh një biznes.
Kur buzëqeshja vjen nga goja,
Mund të jetë edhe e shtirë,
Kur vjen nga sytë e buron nga zëmra,
Është e sinqertë, krejt e dlirë.
Buzëqeshja nuk shpreh gjithmonë,
Masën e lumturisë,
Por është sistemi ngrohës,
Që i fal mirësjellje njerëzisë.
Kjo kohë, shpesh, e përbindshme,
E kthen buzëqeshjen në vello,
Të një situate të dhimbshme.
Mos u ngrys, mos u bën asketik,
Pa një buzëqeshje,
S’mund të jesh simpatik.
Në çdo marrëdhënie,
Kujtohu e mos harro,
Se dikush jeton me buzëqeshjen tënde.
Gusht 2021
