Nga:Kolec P. Traboini
Lista e Shkodrës e PD me Greta Bardeli Gjoni (e bija e të mirënjohurit Zef Gjoni ish kojshiu ynë në fëmini), racionalisht është fituese e ai Benet Beci i PS më kot përpëlitet me intervista televizive në Tiranë në favor të katraurës së Surrelit, duke thënë se do të ketë zhvillime në Shkodër me Rama 3 kur për 8 vjet (Rama 1 e Rama 2) nuk financuan asgjë, madje edhe përmbytjet që shkaktoi pushteti me shkarkimet nga diga e HC e Vaut të Dejës nuk u ka paguar asnjë lek. Shkodra nuk ka asnjë shkak për përmbytje nëse manaxhohen mirë liqenet e hidrocentraleve dhe mbahen nën kontroll.
Po në infrastrukturë e urbanistike, në punësim, çfare bani ky Dubel Rama që derdhi para të pafund në Vlorë (Lungo Lungo- Tallava Tellall), por akoma më shumë në xhepat e oligarkëve në koncensione fantazmë (O Damjan 40 milionë).
Pastaj ai Benet Beci u lind e rrit në Tiranë e çfarë dreqin do në Shkodër. Me shku e me hangër peshk të pjekun në tjegull në Dajlan të Bunës dhe natën e mirë? A mos janë faru shkodranët vendali që jetojnë në këtë qytet të lënë në mjerim dhe u dashka ti eksportojmë nga Tirana si mercenarë të partisë bijë të PPSH që aktivizon në vitin 2021 deri dhe plakat e komunizmit me lidhje familjare me kriminelët e Enver Hoxhës, kur… ata që kanë lindur në 1990 (kur menduam se komunizmi po rrëzohej) sot janë mbi 30 vjeçare. E tmerrshme. Njerëzve po u zihet fryma.
E mira është që populli i Shkodrës, masivisht, të mos i jap asnjë votë pinjollëve të komunizmit që kur vijnë në Shkodër hipin në autoblinda si baballarët e tyre me mitraloza.
Shkodra nuk harron!
