Ka nisur festivali (kampionati) i shahut për shkollat 9- vjeçare të Bashkisë së Shkodrës
. Pjesëmarrja është masive nga shkollat publike dhe ato jopublike. Vërehet dëshira e madhe e fëmijëve për atë që konsiderohet “gjimnastika e mendjes” dhe ku Shkodra ndër vite ka nxjerrë kampionë për vajza dhe për djem. Së shpejti, për herë të parë, me mbështetjen e Bashkisë së Shkodrës, do të organizohet edhe festivali i shahut për shkollat e mesme. Me këtë aktivitet, starton sezoni në QKF i cili do të mbyllet në fund të muajit maj .
