Gëzim Vuçaj
Në këto ditë feste , të pashkëve këngëtarja e mirënjohur Vida Lumaj Kunora , gjatë një interviste , u ndal në shumë mbresa dhe kujtime të bukura ne treven e M.Madhe , ku u lind dhe u rrit . Madje tregoj se ka ardhur në vendlindje ksaj radhe jo per të kënduar , por për të festuar me njerzit e afërm të shtëpisë së saj . Ndaj me këtë rast ajo i uroj gjithë lexuesve të revistes Fjala , gëzuar shendet dhe lumturi sjellshin për ju këto festa ringjallje !
Intervista me Këngëtaren e mirënjohur Vida Kunora :
Pyetje : Ju tashmë jeni një këngëtare kalibri , që do thot jeni mjaft e kërkuar në tregun muzikor , mund t’na thoni diçka nga fillimet tuaja , e mbani mënd kengën e parë në dasmen e parë si këngëtare , dhe sa ditë në vit qëndroni në tok , mbasi dimë që udhëtoni shumë me avion ?
Përgjigje : – Përshendetje dhe respekte për ju dhe lexuesit tuaj . Më vjen mire që intervistohem nga një djal i malsisë teme dhe jam me fat që jam malësore … Të them të drejten pothuajse çdo fundjave jam në avion ( nëse larg-qofte bie termet unë jam e sigurt se do shpetoj) Fillimet e mia si ç’do fmi tjetër i kam filluar në shkollen fillore e më pas jam aktivizuar në shkollen e mesme të Bajzes e me grupin artistik të zones . Dasmen e parë nuk e mbaj mend por di që kam qarë shumë se nuk më paten marrë në festival të Gjirokastres … Kjo ishte një pengesë e jetë sime artistike aso kohe . Gjithësesi më duket se nuk më bënë keq , por mirë ata që vendosen të mos marr pjesë se më rriten egon për të punuar me këngen .
Pyetje : Në pergjithësi kush i shkruan dhe kush i kompozon kënget e tua ?
Pergjigje : Kënget në përgjithësi i shkruan burri im ( Drejtori i Kulturës Lezhë) po dhe vetë shkruaj pasi jam e diplomuar për Gjuhë/Letersi e sa për kompozitor kam mjaftë bashkëpunime si Fran Kodra , Alban Furtuna , Luan Dagistani , Edi Balili, Genti Lako etj . Dhe natyrisht këto bashkpunime për mua kanë dhëne rrezultatin e dëshiruar , çka do thotë që këngët e mia tashmë janë të preferuara dhe ndodhen kudo në çdo mjedis artistik dhe ndihem mirë që janë pjese e qënësishme e fansave të kengës sime .
Pyetje : Si lindi kënga , Djemt e Malësisë teme , këngë kjo tashmë hit?
Pergjigje : Kënga Djemt e Malsise teme ishte goditje në shenjë , në fakt kisha kohe që e kisha menduar pasi të gjithë ju kendojnë vajzave unë preferova djemve pasi Malsia e Madhe ka djemt më të mirë e më të bukur në botë . Dhe kështu mendova që Djemt e Malësisë teme vërtetë ë meritojnë një këngë . Djemt Malësor , vërtete janë me shenj , ata ( ju dalloni) kudo , ndaj gratë dhe vajzat malësore nuk duhet të ndihen keq , këta djem i pëlqejne , edhe ato qe nuk janë malesore (haha) . Ndaj ndihem e priveligjuar që më ndihmoj Zoti t’ju këndoj këtë këngë Djemve të Malësisë teme .
Pyetje : Unë e njoh Vida (Lumaj) Kunoren , por lexuesi i revistes Fjala , më shumë ju njeh si këngëtare , dhe mbase jo aq shumë në jetën tuaj , pra cila është pasaporta e Vida Kunores?
Përgjigje : Vida Lumaj kështu filloi karriera ime e më pas isha fatlume me martesen time e me gjithë zemër e ndërrova mbiemrin … E martuar me 2 femijë , Jozefinen dhe Justin jam e lumtur dhe mjaft e kompletuar me familjen që kam . Jam e lindur në Goraj të M.Madhe , e martuar në Lezhë e jetoj në Tiranë . Kjo është më pak rreshta pasaporta ime , dhe dua të shtoj , i gëzohem fatit të jetës .
Pyetje : Të jesh këngëtare e suksesshme sot , sipas jush kërkohet , zëri , bukuria , apo….?
Përgjigje : Të jesh këngetare duhen shumë komponente së bashku si zëri pamja luku zgjuarsia dhe menaxhimi !!! Unë jam përpjekur ti kem të gjitha nga pak por të dish të këndosh është kryesorja , kështu mendoj une . Mbase dikush tjetër mendon ndryshe , ndaj dhe bota është e bukur se ka ngjyra ndryshe dhe mendime ndryshe . . .
Pyetje : Cilët janë ata këngëtare ose këngëtare që ju i pelqeni , edhe nëse mund të jenë konkurent me ju ?
Pergjigje : Muzika është e pafund , këngëtar ka plot në treg , për mua do veçoja Fatmira Brecanin , Artiola Tosken , Bujar Qamilin , Zef Beka , Skender Xhafa , Elizabeta Marku , Vjollca Luka , gjithastu vleresime edhe për këngetarin e njohur Andi Toma por vërtete ka plot yje qe vertet kendojne bukur , e sa per konkurence sekush ka punen dhe kismetin e vet .Sepse të gjithe janë të mire per fansat e tyre . Un realisht akoma nuk njoh konkurent , cdo fundjave punoj , tanimë më shumë se ç’do here tjeter.
Pyetje : Cili është komplimenti më i bukur që keni marrë ndonjeherë nga fansat tuaj ?
Përgjigje : Komplimente ?? Plot . Po më i bukuri ka qënë në New York , në koncert të vitit të ri ku mu afrua një i ri nga Ulqini e tha e du nusen si ti të bukur , me zë të bukur . -Un duke qesh i thashë : S’kanë mbaru .- E mori mikrofonin tha i thuaj MARIES TENDE ( nanes) ta bajne dhe nje vajze … !
Pyetje : Po komplimente , negative ?
Përgjigje : Ka dhe komplimente negative sa të duash , po jo ndonje që më ka mbete në kujtese …
Pyetje : A të merr malli për Malësin tënde ?
Përgjigje : Për Malsinë kam shumë mall . Ndaj , gjithë kenget e mia janë për Malsinë dhe pse jetoj në Tiranë , gjithë endrrat i shoh në vendlindje … Nuk ka gjë më të bukur veçanarisht për vajzat se kur vinjnë në vendlindje , kot nuk thonë : Si bija në gjini .
Pyetje : Kopliku , Shkodra , Lezha janë tre qytete , ku ju keni kaluar pjesën dermuese të jetes suaj të deri më tanishme , ku i keni më shumë fansat tuaj ?
Përgjigje : Jo , kam katër qytete pasi kam 8 vjet në Tirane … Mendoj se në Lezhë kam shumë miq e fansa … Duket se Lezha është qyteti ku si i thonë një fjale , aty ku të shkarkon Kali , të behet Shtëpia jote …
Pyetje : Na fol dicka dhe për familjen tënde ?
Përgjigje : Familja ime është gjëja më e shenjtë , vajza Jozefina jeton në Florida dhe atje studion për mjekesi . Muziken e do e ka në gjak ka nje zë fantastik po ka zgjedhë të bëhet mjeke është e fejuar dhe mjaft e lumtur … Djali është 18 vjeç studion në Tiranë për menaxhim – biznes dhe burri Kola ( ma i miri burrë) Drejtor Kulture në Lezhe kjo është familja ime e shenjtë .
Pyetje : Presim ndonje këngë te re tani nga Vida Kunora?
Përgjigje : Tani po punoj një këngë shumë të bukur mezi pres ta mbaroj aq shumë e dua teksti dhe muzika nga unë mendoj që vërtet do jetë HIT i padiskutueshem!!!
Pyetje : Cfarë do ju thuash lexuesve të revistes Fjala , dhe me cilen këngë do i përshendesni?
Përgjigje : Lexuesit e revistes FJALA dhe gjithë fansat e mi i ruajt Zoti dhe i përshendes me këngen “ME SHQIPTARE ME U MARTU” … E du shumë atë këngë .
Ju faliminderit !
Gjithashtu !
