Zëvendëskryeministri për Politikën Ekonomike, Nik Gjeloshaj, ka takuar sot delegacionin shqiptar të kryesuar nga ministri për Evropën dhe Punët e Jashtme të Shqipërisë, Igli Hasani.Bashkëbiseduesit theksuan se Mali i Zi dhe Shqipëria kanë marrëdhënie të shkëlqyera dypalëshe të forcuara nga anëtarësimi në NATO.
Për këtë arsye, të dy qeveritë duhet të punojnë për lidhje më të mira të trafikut në mënyrë që të përmirësohet bashkëpunimi ekonomik në të gjitha fushat me interes të përbashkët.Gjeloshaj e njohu ministrin Hasani me prioritetet e Qeverisë së 44-të dhe theksoi se Mali i Zi mbetet i përkushtuar në rrugën euroatlantike.„Mali i Zi është partner dhe mik i Republikës së Shqipërisë, ne vazhdojmë të mbështesim rrugën tonë të përbashkët euroatlantike. Besoj se në të ardhmen e afërt do të kemi një perspektivë të caktuar dhe të përbashkët evropiane,“ tha zëvendëskryeministri.Gjatë takimit u diskutuan mundësitë e bashkëpunimit në fushën e ekonomisë, turizmit dhe infrastrukturës.Ata veçanërisht theksuan mundësinë e fillimit të projekteve të përbashkëta dhe përmirësimit të bashkëpunimit në nivel rajonal.Në fund të takimit u theksuan marrëdhëniet e shkëlqyera mes Malit të Zi dhe Shqipërisë dhe u ra dakord për vazhdimin e bashkëpunimit në fushat me interes të përbashkët.
