Tre vite më parë një lajm i rëndë ka pushtuar botën e artit dhe muzikës në rajonin e Shkodrës ku është ndarë nga jeta këngëtari i mirënjohur i Malesise së Madhe Arben Delaj . Një ndarje e parakohshme , një yll i muzikës sonë është shkëputur nga qielli , për të zbritur në tokë e për tu ngjitur përjetësisht në qiell . Ai pa diskutim kujtohet dhe do të kujtohet si një nder emrat e spikatur të muzikës jo vetëm në M.Madhe por në gjithë hapësiren mbarë Shqiptare . Tre vite pa ty fizikisht na ke munguar o miku ynë , por kënga jote , ky thesar kulture që na ke lënë , të ka përjetsuar në mendjen dhe zemrën e ne të gjithve . Miku ynë Arben , ti ishe dhe mbete Kolosi i interpertimit virtuoz të këngës tonë , ti ishe dhe mbete modeli i një famljari të mirë , ti ishe dhe mbete prindi shembullor i fëmijëve tu . Arben ti ishe dhe mbete dashuria e pa fund e motrave dhe vllezerve tu . Arben ti ishe dhe mbete shoku yne i pazevendesueshëm … Në këtë tre vjetor të ikjes tënde ishin Familjarë dhe Shokë që sollën në redaksinë e Revistës “FJALA” kujtesën për Artistin e pavdekshëm Arben Delaj … Arben Ti dhe kënga ishit të pandarë , ndaj zëri yt u jep ngrohtesinë e munguar mbase dhe në keto ditë të vështira të gjithve .
