Shkodër/AKB INSPEKTON SITUATËN NË PLAZHIN E VELIPOJËS/Në fokus, hapësirat publike, pastërtia dhe rojet e sigurisë

Në kuadër të përgatitjeve për një sezon turistik të suksesshmëm veror në bregdetin e Velipojës, taskforca e ngritur nga AKB , Bashkia Shkodër dhe Prefektura kanë kryer monitorimin për zbatimit e hapësirave nga subjektet private.

Prefektja e Qarkut Shkodër, Majlinda Angoni informoi se aktualisht janë 30 subjekte që kanë një liçensë 5 vjeçare për ushtrimin e biznesit, por nga viti i ardhshëm lejet do të jenë vetëm një vjeçare.

Sipërfaqja minimale e detyrueshme e plazheve publike këtë vit është rritur në 30 %, që duhet të administrohet dhe mirëmbahet nga Bashkia, teksa Ministria e Turizmit dhe Mjedisit në bashkëpunim me Agjencinë Kombëtare të Bregdetit po kryen monitorimin e zbatimit të standardeve,që nga pastërtia deri tek vrojtuesit.