Panair bujqësorë në Triesh, po në Kelmënd kurë?!

Sot në këtë event ishin 17 pjesëmarrës nga Trieshi, të cilët ekspozuan prodhimet e veta vendase, për ndryshe prodhime organike si: Patatja e Trieshit, djathi, maza, qepët, mjalta e zonës, rakia e thanave, çaji i bjeshkëa, ftoj dhe molla vendi etj.

Po ashtu në stendët e Panairit mund të shiheshin edhe ushqimet tradicionale si: Pitja e kllinit, kaçimaku, djathi i zjerë, etj.

Në pjesën formale të cilën e moderoi Teuta Gjokaj, fjalën përshendetese e patën kryetari i komunës së Tuzit, Nik Gjeloshaj dhe sekretarja e sekretariatit të bujqësisë, Ismeta Gjoka.

Për pjesën argëtuese u përkujdes SHKA “Besa” nga Trieshi.

Një kënd i hapësirës ishte rezervuar për lojëra të ndrysme siç është harku me shigjeta.

Në fund organizatorët shtruan një drekë me ushqime tradicionale.

Vlen të ceket se ky është panairi i parë i këtij lloji në Malësi.Në  fund  ia vlenë të  sjellim në  kujtesë  që  Bashkia M.Madhe, nuk duhet të “fshihet”pas  Pandemisë, por  të inicojnë  aktivitete  të  tilla promovuese, të  prodhimeve bujqësore  – blegtorale  edhe në  njesitë  administrative të  M.Madhe. Vetëm kështu nxitet  dhe  stimulohet  vlera e pa mohuar e  trevës  persa i takon   mjeshterisë  së  perpunimit të  produkteve bujqësore dhe blegtorale. Madje  do thonim që edhe për turizmin  këto panaire  do kishin me shumë vlere se  promivimet e shtrimit te gurvë, pedonale   në malet tona , ku zoti  u ka falë  gjithë  bukurinë.