Festivali i Këngës Qytetare “Luleborë”, i organizuar nga Bashkia e Shkodrës, ka ulur siparin e edicionit të pestë.Edhe pse një situatë e pazakontë që po kalojmë, jam shumë e kënaqur që artistë, kompozitorë, poetë këngëtarë u bënë pjesëmarrës, duke i dhuruar spektatorit shkodran 22 këngë të reja qytetare shkodrane.
Vazhdimi i traditës së krijuar këto pesë vite, u bë i mundur në bashkëpunim me artistët e krijuesit, Teatrin “Migjeni” dhe të gjitha institucionet kulturore të Bashkisë së Shkodrës.
Si çdo garë tjetër, Festivali i Këngës Qytetare “Luleborë” kurorëzoi fituesit e vet, një gërshetim në mes emrave të mëdhenj të muzikës dhe talenteve të reja.
Uroj të gjithë pjesëmarrësit për suksesin e arritur! I falenderoj pë kontributin dhe atmosferën që na dhuruan, ne një kohë kur kemi më shumë nevojë, duke na dhuruar kënaqësi, frymëzim, shpresë e pozitivitet.
