PAK FJALË E NJË NGUSHLLIM PËR LAMTUMIREN E FUNDIT TË  SHKRIMTARIT TË SHQUAR RAMIZ  LIKA !

Nga:Nga Ndue  BACAJ

Sot (04 korrik 2020) Malësia e Madhe i dha lamtumiren e fundit (në varrezat e qytetit Koplik) , Ramiz  Likës , njerit nga bijët më të shquar e spikatur të intelektualizmit  Malësor e më gjërë. Ramiz Lika ishte shkrimtari, mësuesi  e mbi të gjitha prozatori (romancieri) i parë i Malësisë së Madhe (brenda kufirit politik të Shqiperisë).  Bashkë me Ramiz Liken sot u varros edhe penda më e mprehur, më e spikatur e më e ndritur e inteligjencës së Malësisë Madhe në gjysmën e dytë të shekullit XX dhe dy dekadave  të para të shekullit XXI. Penda e Ramiz Likës ishte një pendë e mprehur plot shkelqim e dritë të perhershme,  edhe pse puna e vepra e tij njohu regjimin atinjerzor   komunist dhe pluralizmit e demokracinë (shpesh rrampallë) postkomuniste .  Mua që e kam njohur nga afër më duket se sot Malësisë së Madhe i është shuar edhe një nga dritat e letersisë, artit dhe arsimit të saj.  Pavaresisht kësaj nuk është shuar e as nuk do të shuhet kurr vepra e Ramiz Likes, i cili shkroi 12 romane , tregime , novela,  kumtesa , publicistikë , shkrime pedagogjike por edhe politikë. Disa nga veprat e shkrimtarit R. Lika  janë: Stuhia-roman, Tajfun në brigjet tona-roman, Traseja-roman, Dallgët e detit-novelë, Bukuria e përdhunuar-roman,  Dashuri në bunker -roman e tjerë e tjerë… Ai me shkrimet e tija ishte mik në shumë media të shkruara e vizive.  Ramiz Lika me keto vepra e krijimtari kontribuoi e do të kontribuoi  jo pak në civilizimim , zhvillimin e mbi të gjitha në risitë e të shkruarit e në mentalitetin tonë bashkohorë. Vlenë të cilësohet se shkrimet dhe veprat (librat) e Ramiz Likes sillnin  gjithnjë flladin  civilizimit e jetës pakomplekse europerendimore, flladë me të cilin per dekada nuk ishim mësuar… Ramiz Lika ka shqipëruar edhe disa vepra të autorëve më të shquar europian e botëror. Ai ka botuar rreth 25 vepra, vepra me të cilat krenohet sot Malësia e pse jo edhe Shqipëria. Për këtë kontribut të çmuar Ramiz  Lika është nderuar me tituj honorifik , ku mbi të gjitha spikatë ai i Këshillit të Bashkisë Malësi e Madhe para disa kohëve i cili i akordoi titullin e lartë QYTETAR NDERI I MALËSISË  MADHE.  Ramiz Lika u lind në Zagorë të Shkrelit, Malësi e Madhe, më 27 mars të vitit 1939. Kishte lindur  në fisin e njohur per urtësi, bujari, besnikri e atdhedashuri, në fisin LIKAJ, fis i cili ishte nga më të shquarit , si vetë Shkreli , ku siç thuhej e kishte perherë “shtepinë” urtia…e bujaria , virtyte që nuk u la gjë mangut as Ramiz  Lika sa  ishte gjallë..