Nëse dera hapet, faji hyn edhe pa e ftuar.

Të gabosh në kohë të shëndetshme quhet prapambetje në të nxënë, ku faji qëndron në pragun e derës. Nëse dera hapet, faji hyn edhe pa e ftuar. Por nëse dera qëndron e mbyllur dhe faji qëndron pa u përzënë nga pragu i saj, atëherë rreziku tërhiqet këmbadoras nëpër kohë të pacaktuar.

Në lëmin e mendimeve kullot tinëz edhe vjedhësi, i cili rrëmben atë që lakmon më shumë. Njeriu nuk është rojtar i zoti i lëmit të begatisë, ndaj gabon në kohën e bollëkut, duke rënë pre e vjedhësit që kërkon të bëhet zot i shtëpisë tënde.

Në ditët e sotme vjedhësi është mik shtëpie, i cili nderohet duke ngrënë e duke pirë kohën e njeriut pa e shpërblyer atë. Shpërblimi i vetëm i mënyrës së tij është skllavëria, me të cilën jeta e njeriut është kthyer në shembull të punëve të mbrapshta. Stili i kësaj mbrapshtie është pandëshkueshmëria e imoralitetit shpirtëror, që sot po shitet si vlerë dominuese e jetës së përditshme. Amen!