Edhe pse qe terhequr nga postet e larta , si President apo dhe si kryeminister Milo Djukanovic postin e kryetarit të partisë nuk e pati lëshuar , madje shumë politikan e kanë parashikuar që pas këtij pushimi , përsëri Milo do rikthehet në kandidimin për postet kryesore të shtetit Mali i Zi . Ndaj , lideri i DPS-së , Milo Djukanovic , ka theksuar se vendimi që të kandidohet në zgjedhjet presidenciale është shprehje e përgjegjësisë ndaj trashëgimisë dhe zhvillimit të mëtejmë të Malit të Zi , duke shtuar se shpreson në fitore që në rrethin e parë të zgjedhjeve . Këshilli qendrorë i DPS-së , e ka përkrahur njëzëri propozimin e kryesisë që kandidat i kësaj partie për president të jetë , Milo Djukanovic . Përndryshe Djukanovic është kryetar i DPS-së që nga viti 1997 , ndërsa ishte Kryeministër në periudhën 1991-1998 , 2003-2006, 2008-2010 dhe 2012-2016 . Ai gjithashtu ishte edhe President i Malit të Zi në periudhën 1998-2002 . Në rajon , por as në Evropë , që nga rrëzimi i diktaturave , nuk ka edhe një pushtetar që mbajti dhe vazhdon të mbanë pushtet për një periudhë kaq të gjatë kohore.
