Vllaznia vërtetë është nisur sot drejt Ulqinit , me 19 futbollistë në dispozicion të stafit teknik por kjo listë e reduktuar e lojtarëve apo dhe emrat e përfshirë në të , kanë krijuar jo pak konfuzion në rradhët e kuqebluve . Pikërisht kjo listë dhe kjo situatë e krijuar , ka detyruar drejtorin sportiv të klubit Eugent Zeka të paraqesë dorëheqjen . Një dorëheqje për të cilën në fakt ende nuk ka folur askush por duket se ai ka mbetur i pakënaqur nga fakti se nuk është pyetur aspak për këtë listë apo dhe për gjëra të tjera që janë duke u bërë në klub . Realisht një dorëheqje e tillë e një drejtori , i cili pati ardhur me bujë tek vllaznia , por që nuk mund të thuhet se perse pati ardhe , ndaj edhe nuk kemi shumë arsye të themi pse iku . Vertetë në klubet e mëdha , jo se është i vogel klubi Vllaznia , por për hire të së vertetes këta drejtoret e “medhenj” nuk mund të themi se kanë bërë punë të medha . Pastaj të inatosesh thjeshtë per listen e shkuarjes në Ulqin , nuk duket shumë bindese , për vetë faktin se Vlllaznia , ka kaluar dhe po kalon problem të mëdha jo drejtoresh dhe 
rrogetaresh që njëherë nuk u bënë transporent , por mbase vëtë kriza janë këta drejtoret që nuk dijnë të thonë çfarë kanë punuar tek Vllaznia . Ndaj vetë Zeka nuk ka patur të dëshirë të shprehet më shumë në media në lidhje me këtë çështje por ndërkohë edhe nga klubi nuk ka asnjë reagim zyrtar nëse do të pranohet apo jo dorëheqja . Ndërkohë në media ka filluar të qarkullojë prej ditësh edhe emri i zëvendësuesit të tij , pikërish ai i Alban Nezirit që aktualisht mban pozicionin e përgjegjësit teknik të Akademisë . Gjithsesi , një situatë e tillë në fakt nuk është aspak normale . Sot skuadra ka nevojë më shumë se kurrë për mbështetje nga të gjithë por ndërkohë tek Vllaznia problemet lindin njëri pas tjetrit . Natyrisht që nuk kanë shumë rëndësi emrat që ikin apo që vijnë . E rëndësishme është që mes palëve të ketë bashkëpunim për të mirën e skuadrës sepse pozitat e saj në renditje nuk janë aspak të mira . Kuptohet që lista e futbollistëve të cilët kanë udhëtuar drejt Ulqinit , ka patur brenda jo pak befasi por ky tashmë është një vendim që për momentin nuk ndryshohet . E miratuar nga kryebashkiakja Ademi që mban njëkohësisht edhe rolin e presidentes së klubit , ajo ka tagrin të vendosë . Por është e sigurtë se skuadra nuk do të mbesë me 19 futbollistë sepse nga nesër numri i tyre në Ulqin mund të shtohet .
