GJERGJ KASTRIOTI -SKËNDERBEU, FIGURË E NDRITUR  E KOMBIT SHQIPTAR.

JAK  RROZHANI

Është përkujtuar në qytetin e Lezhës, 555 vjetori e vdekjes së Heroit tonë kombëtar Gjergj Kastrioti-Skënderbeu, me aktivitetet letraro-kulturoro-artistike, të organizuara  në nder të këtij eventi historik,nga Bashkia Lezhë,me kujdesin e veçantë të kryetarit të kësaj Bashkie,  z.Pjerin Ndreu , i cili përshëndeti të pranishmit, Presidentin e Republikës  Ministrin e Drejtësisë etj. duke evokuar jetën dhe veprën e pavdekshme dhe të  lavdishme të Heroit, në Memorialin e Vendvarrimit të Skënderbeut dhe në QKF Lezhë , me pjesëmarrjen e  Presidentit të Republikës z.Bajram Begaj dhe  Zonja e Parë,Ministri i Drejtësisë , z. Ulsi Manja , të cilët përshëndeten të pranishmit e duke evokuar figurën e ndritur , jetën dhe veprën e pavdekshme të Gjergj Kastrioti-Skënderbeut , në luftën për liri, pavarësi , bashkim dhe identitet kombëtar,simbol i qëndresës dhe i atdhedashurisë ,krenari kombëtare dhe burim frymëzimi për gjithë shqiptarët ,simbol dhe krenari kombëtare. Për të vijuar me koncertin letraro-artistik të organizuar në sallën e koncerteve të QKF Lezhë . Në përkujtimin e 555 vjetorit të vdekjes së Heroit tonë kombëtar, u zhvilluan  aktivitete letraro-artistike edhe  nga mësuesit dhe nxënësit të veshur me kostume kombetare të shkollës ” Gjergj Kastrioti ” në qytetin e Lezhës, me drejtoreshën e palodhur, znj . Dije Zefi, duke mbajtur me nder e krenari , ecuri ,rezultate e cilësi në arsim, emrin e Heroit tonë kombëtar,  simboli dhe krenaria jonë kombëtare,  shembull frymëzimi për brezat. Sa më shumë vite kalojnë nga vdekja e Gjergj Kastrioti-Skënderbeu, aq më shumë rritet lavdia e tij. Heroi ynë kombëtar, hyri në histori ,kur Shqipëria dhe Evropa kishin nevojë për të. Siç thoshte Noli i madh :  “Ai hyri në skenë ,kur e thirri historia”. Pasi çliroi Principatën e Kastriotëve,Skënderbeu mblodhi në Lezhë ,Kuvendin historik,  që shënoi kthesën rrënjësore për shqiptarët ,më 2 Mars 1444 ,duke bashkuar princat  shqiptarë, duke formuar Lidhjen e Lezhës , duke krijuar shtetin e parë shqiptar,  arkën e përbashkët dhe ushtrinë, me kryekomandant Gjergj Kastrioti -Skënderbeu. Tek ky kuvend historik,  duke  shënuar kthesën vendimtare për shqiptarët dhe si ngjarje më e rëndësishme, e kanë zanafillën fitoret  e lavdishme 25 vjeçare nën udhëheqjen e Skënderbeut,   që  ndërmorën shqiptarët kundër turqve ,duke sjellë lirinë, pavarësinë bashkimin ,shtetin e pavarur dhe identitetin kombëtar  .Papa  i Romës ,e quajti Skënderbeun Kalorës i Krishtërimit ,si mbrojtës i tij . Më 17 janar 1468 ,Gjergj Kastritoi-Skënderbeu vdiq dhe u varros i mbuluar me lavdi në  Kishën e Shën-Kollit në Lezhë (sot  Memoriali i Vendvarrimit  të tij) . Duke u bërë një vend peligrinazhi dhe i vizitueshëm në çdo kohë nga vizitorë e turistë vendas e të huaj, të moshave dhe profesioneve të ndryshme ,që shfaqin kureshtjen dhe dëshirën të njihen nga  afër me jetën dhe veprën e lavdishme dhe të pavdekshme të Heroit  tonë kombëtar , simbol i qëndresës,atdhedashurisë, lirisë ,pavarësisë  bashkimit të shqiptarëve ,shtetit të parë shqiptar dhe identitetit tonë kombëtar, burim frymëzimi për shqiptarët dhe brezat.