Për shumë këngëtarë, dasmat u sjellin të ardhura të kënaqshme në jetën e tyre. Por ndodh që edhe të dalin të zhgënjyer dhe të mashtruar nga festa ku janë ftuar për të performuar. Një rast të tillë ka pasur këngëtari Gena, i cili është ndër më të kërkuarit në vendin tonë për gëzimet familjare.I ftuar në një emision televiziv ai tregoi duke qeshur se tashmë ka ndryshuar tradita dhe se paratë i merr çifti.“Ka ndryshuar tradita, paratë i merr çifti. Më parë i ka marrë këngëtari”, tha ai.Këngëtari ka zbuluar dhe një rast kur i kanë hedhur rreth 7-8 mijë euro false dhe është ndjerë i turpëruar, por nuk i ka telefonuar ata që bënë dasmën.
Pyetje: Çfarë vlere mund të kenë qenë false?Gena: Rreth 7-8 mijë euro. Përpara 10 vitesh, ishin të kopjuara aq mirë sa nuk kuptoheshin. Ai mund të të hedhë dhe florinj e të dalë bakër. Ideja është që ke në dorë lekë false dhe ndihesh i turpëruar në atë moment.
