Është pikërisht ky mjedis kaq fantastik , këtu në lagjen Culaj të qytetit të Koplikut , në bregun e liqenit të Shkodres , ku duket qartazi se dora e zotit , ka qënë në sinkron të plot me mëndjen dhe dorën e njeriut . Dhe ja , vërtetë pikërisht këtu ku dikur syri i pa trembur i kufitarit rrinte pa gjumë në “mbrojtje “ të kufirit liqenor , sot ngrihet madheshtorë BAR- RESTORANT – HOTEL “RUBENSI”. Një investim i bukur dhe i dobishëm , i cili i ka dhënë hijeshinë e merituar këtij mjedisi . Fatlum Culaj emigrant ndër vite në Britaninë e Madhe , tashmë përfundimisht i kthyer në tokën e t’parve të tij , pas ndërtimit dhe hapave të parë , të dyerve të çelura të këtij investimi , tanimë ka promovuar edhe kuzhinën tradicionale , te nderthurur me atë moderne.Ndaj në një ditë të tillë promovimi të gatimit mjeshterorë , të duarve të arta të mjeshtrit të kuzhinës Zamirit , të gjithë mysafirët ndihen më mirë ç’do herë tjetër . Këtë realitet e thotë me mjaftë dëshire edhe intelektuali i njohur në qytetin e Koplikut Sulejman Duli i cili ka folur me nota mjaft pozitive për këtë investim kaq madhështorë , dhe të hijshëm . Ndërkohë që sofra , ose siç i themi çdo ditë tavolina është mbushur plot me gatimet e shumëllojshme , trokitja e gotave ka vijuar gëzueshem , duke uruar të gjithë pronarin e BAR -RESTORANT “RUBENS” , gëzuar dhe të ectë mbarë ! Ne jemi ndalur dhe kemi intervistuar , dhe një tjetër personazh të njohur në M.Madhe i cili në përgjigje të pyetjeve tona ka treguar dashamirësinë për këto investime që po i shtohen qytetit të Koplikut dhe M. Madhe , për më tej Anton Kokaj është shprehur : Se kjo tregon që djemt e M.Madhe gjithnjë e më shumë po tregojnë vlerat e tyre , i tillë është edhe pronari i këtij lokali kaq funksional .Mbase është e natyrshme , që vërtete njerzit e punës , fjalët i kanë të kursyera , kështu ka ngjarë edhe me duarartin e kuzhinës , njeriun me përvojë të gjatë si në vendët Europiane , po kështu edhe në kuzhinat Shqiptare Zamirin .
Një tjeter moment i veçantë , madje sadisfaksion emocionues ishte edhe përshendetja muzikore e këngëtarit të njohur Zamir Jakupi , i cili me grupin e tijë muzikorë i dha kësaj dite bukurinë e kerkuar , ku shijeve të gatimit iu shtua edhe shija e këtyre çasteve muzikore , ndërsa personalitete të këngës dhe artit si Jonuz Delaj , teksa kanë ngritur gotat , në këtë evënt promovues , janë shprehur se një investim i tillë ka vlerë të vecantë , për më tepër këtu në bregë të liqenit të Shkodrës . Kësisoj kjo ditë promovuese e Kuzhinës dhe gjithë sherbimeve të tjera që ofron Bar – Restorant – Hotel “Rubensi” ka vijuar gjatë , nën trokitjen e gotave dhe çastet muzikore …