Kemi përcaktuar planin e masave, një automjet do të jetë në Velipojë
Drejtoria e Shërbimit të Mbrojtjes nga Zjarri dhe Shpëtimit në Shkodër bën të ditur se janë marrë të gjitha masat për sezonin e verës.Në një intervistë për RTSH Shkodra Shefi i Sektorit të Ndërhyrjes në këtë drejtori ,Bashkim Ramaj ,tregon se është hartuar një plan masash konkrete për këtë sezon.Vëmendje më e shtuar do t’i kushtohet zonës turistike të Velipojës, ku do të ofrohet shërbim gjatë 24 orëve .
Shefi i Ndërhyrjes së Shërbimit të Mbrojtjes nga Zjarri dhe Shpëtimit në Shkodër ka një thirrje për qytetarët që të tregohen më të kujdesshëm dhe të mos krijojnë zjarre të qëllimshme.
Me rritjen e temperaturave, përhapja e zjarreve është një fenomen që haset në mbarë territorin e Shqipërisë dhe një nga zonat më problematike mbetet qarku i Shkodrës.Pavarësisht rritjes së temperaturave , shkak i vatrave të zjarrit ,në pjesën më të madhe të rasteve është pakujdesia e qytetarëve ,bëri të ditur shefi i Sektorit të Ndërhyrjes Bashkim Ramaj.
