Ditën e sotme Presidenti i Republikës Ilir Meta , ka zhvilluar një takim me Sekretaren e Shtetit për Çështjet Ekonomike të Konfederatës Zvicerane , Ineichen-Fleisch .Meta e ka falenderuar Ineichen-Fleisch për ndihmën dhe kontributin që ky shtet jep ndaj Shqipërisë .
“Të dashur miq, sot pata kënaqësinë të takoja Sekretaren e Shtetit për Çështjet Ekonomike të Konfederatës Zvicerane, Znj. Ineichen – Fleisch, e cila nesër do të prezantojë në Tiranë ‘Strategjinë e Zhvillimit Zviceran për Shqipërinë’, për periudhën 2018-2021, me një vlerë prej 105 milion franga zvicerane. Mirënjohje të përzemërta për kontributin e çmuar financiar dhe asistencën teknike të dhënë nga Zvicra për vendin tonë ndër vite”, shkruan Meta në rrjetin social Facebook.