Fitore madhështore në Budapest! Një kryevepër e Brojës, i ka dhuruar 3 pikë të arta Shqipërisë në përballjen ndaj Hungarisë. Me një veprim fenomenal nga e djathta e zonës, talenti 20-vjeçar, tundi rrjetën e portierit Gulashi, duke mbajtur gjallë ëndrrën për në Botëror.Broja: Kam qejf te bej gol çdo ndeshje. Jam shume i kenaqur per ekipin dhe per veten time. Kemi shpresa shume per vendin e dyte. Armando Broja u bë sërish heroi i Kombëtares. 20-vjeçari hyri si zëvendësues duke shënuar golin e fitores ndaj Hungarisë, që i jep Shqipërisë shumë shpresa për të arritur kualifikimin në Botëror. Pas ndeshjes, Broja u shpreh:Gjithmonë kam besim, në të gjitha ndeshjet kam qef të bëj gol dhe të ndihmoj skuadrën. 
Shënova, i dhashë skuadrën fitores dhe më vjen mirë.Kam qenë i dëmtuar pardje në stërvitje, dhe trajneri më pyeti a je 100% i thashë “PO” pasi për fanellën, për Shqipërinë bëj gjithçka, hyra me besim të bëj golin të ndihmoj ekipin dhe morëm 3 pikët. Për Poloninë do të shohim në stërvitjen nesër, por sot në ndeshje isha mirë, e kisha mirë këmbë. Vendin e dytë do ta besojmë deri në fund, kemi dëshirë të luajmë në Botëror është gjë e madhe, pasi nuk jemi vend i madh por kemi shpirt, shyqyr që morëm tre pikë, duhet të jemi me këmbë në tokë dhe të përqendruar për sfidën me Poloninë.
