Zgjedhja e kryetarit të PD-së, Bardhi: Akti i përjashtimit të mbi 50 mijë anëtarëve me të drejtë vote është një damkë turpi
Dy ditë përpara mbylljes së fushatës zgjedhore për kreun e ri të PD-së, ku në garë janë ish-kryetari i saj Lulzim Basha dhe Gjergji Hani, ka reaguar Sekretari i Përgjithshëm i PD-së, Gazment Bardhi, sipas të cilit, këto zhvillime “përbëjnë një akt turpi”.
Sipas tij, PD ka nevojë të forcohet dhe jo të zvogëlohet si dhe ka nevojë për të afruar anëtarë dhe jo për të përjashtuar.
FJALA POLITIKE, FJALA NE MES DY ISH MIQVE BASHA DHE BARDHA
“Akti i përjashtimit të mbi 50 mijë anëtarëve me të drejtë vote është një damkë turpi mbi ata që po urdhërojnë zvogëlimin e PD për ta shndërruar atë në një parti private!”- shkruan Bardhi në rrjetin social Twitter.
Sekretari i Përgjithshëm i PD-së, nënvizon se kjo është një rrugë e gabuar dhe nuk është garanci për të ardhmen dhe se është dëm me pasoja të rënda për PD nga sjellje të së shkuarës së saj.
Kryesia e PD-së duke vlerësuar situatën aktuale të strukturave të partisë dhe vakancat e krijuara ne disa nivele duke filluar nga Kryetari i PDSH e deri në bazë, bazuar në kërkesën e Kolegjit të Kryetarëve për nevojën emergjente për zhvillimin menjëherë të zgjedhjeve për Kryetarin e PDSH si dhe riorganizmit të plotë të partisë, në mbledhjen e datës 6 Qershor 2023 vendosi fillimin e menjëhershëm të procesit të evidentimit të antarësisë, dhe organizimit të zgjedhjeve për kryetar të PDSH me datë 29 korrik 2023.
