Shllaku është e vetmja Njësi Administrative, që për të udhëtuar drejt saj nuk ka asnjë tabelë orientuese, apo sinjalistikë vertikale që të jetë udhërrëfyese për vizitorët e kësaj krahine. Megjithëse e kemi ngritur këtë shqetësim prej disa vitesh në Bashkinë e Vau Dejësit, zëri ynë ka rënë në vesh të shurdhët.
Ndërkohë ditët e fundit, pasi këtë shqetësim ja paraqitëm drejtuesve të bashkisë Shkodër, nga ana e tyre morëm një përgjigje pozitive, dhe në kohë rekord na mundësuan tabelat përkatëse që do të vendosen brenda pak ditësh në këtë zonë.
Ato do të jenë një ndihmë e madhe veçanërisht për turistët e huaj që lëvizin në këtë zonë.
Shpresojmë që në ditët në vijim Bashkia e Vau dejës të bëjnë të mundur pjesën tjetër nga Drishti në Cukal të gjitha emetimet e tjera të sinjalistike brenda territorit që mbulon kjo bashki.
