Kryetari i Bashkisë Shkodër Benet Beci ka pritur në një takim drejtuesen rajonale të Bankës Gjermane për Zhvillim, KfW, znj. Veronika Tscharf dhe përfaqësuesit e zyrës në Shqipëri.
Gjatë këtij takimi është folur mbi ecurinë e projekteve të rëndësishme për zhvillimin e Shkodrës.
Ato së bashku panë nga afër zonën ku është projektuar financimi nga kjo bankë për impiantin e trajtimit të ujrave të zeza, duke i dhënë zgjidhje përfundimtare shkarkimit të ujërave në lumin Buna
U diskutua në lidhje me detajet e projektit të linjës së re të furnizimit me ujë të qytetit dhe rrjetit shpërndarës në zonën veriore të tij, gjë që do të ndikojë ndjeshëm në përmirësimin e furnizimit me ujë të qytetit.
