Shkodër/Stacionet e autobusëve të shkatërruar, ndersa në Koplik nuk ka fare

Shërbimi i transportit urban në Shkodër vijon të përballet me probleme të shumta. Një ndër to është gjendja që paraqesin stacionet e autobusëve në të cilët mungon infrastruktura dhe gjendja e tyre lë për të dëshiruar. Në stacione mungojnë kushtet më minimale për qytetarët. Disa të ngjasojnë më shumë me baraka sesa me stacione të linjave interurbane.RTSH Shkodra disa herë e ka trajtuar një fenomen të tillë se si paraqitet gjendja e tyre dhe ajo çka bie lehtësisht në sy, është gjendja e mjerueshme në të cilën ato ndodhen. Stolat e pritjes së udhëtarëve në shumë vend-stacione janë të hequr, e po ashtu edhe pjesët metalike të tyre bashkë me ndryshkun që i ka mbuluar gjithandej. Ndërkohë në shumë vendstacione të autobusëve mungojnë kupolat mbrojtëse cka bën që qytetarët të përballen çdo ditë me kapriçiot e motit .Kështu në ditë me reshje qytetarë të shumtë janë të detyruar të qëndrojnë me minuta të tëra duke pritur mbërritjen e autobusit. Ndërsa gjatë verës të qëndrojnë në diell në temperatura të larta.Në Shkodër transporti publik vijon të paraqesë probleme, ndërsa infrastruktura në shërbim të tij është kjo që shfaqet sot, e shëmtuar dhe aspak funksionale.Në total Shkodra numëron mbi 20 vend-stacione autobusësh dhe pjesa më e madhe e tyre janë pothuajse jashtë funksionit për të qenë të tillë.Sikur të mos mjaftonin vonesat e shumta të autobusëve, qytetarët shkodranë janë të detyruar të presin në këmbë për të marrë autobusin e radhës sepse nuk kanë ku të ulen pasi ato janë të dëmtuara, pa stola dhe pa kupola mbrojtëse kundra diellit dhe shiut.