Bashkia Shkodër ka nisur dëgjesat publike “Për përgatitjen e programit buxhetor afatmesëm vendor 2023-2025”. Takimi i parë u zhvillua me banorët e njësisë administrative Rrethina si dhe 3 njësitë Shalë, Shosh, Pult të Dukagjinit.
I pranishëm në këtë takim, kryetari i Bashkisë Shkodër z.Bardh Spahia theksoi rëndësinë që ka zëri i qytetarëve, ku nga këto degjesa të vendosen prioritetet e punës. Shërbimet publike, investimet dhe rritja e standarteve janë objektivi ynë, prandaj duke dëgjuar dhe bashkëndarë me banorët e çdo njësie vendore idetë dhe propozimet konkrete, marrim në fund vendimet e duhura u shpreh Spahia.
