JETE TJETER – NR. 19
Ishte mbledhja e fundit e këshillit të Bashkisë Malësi e Madhe , ajo që mbase u dha shtysen disa këshilltarëve të djathtë të debatojnë dhe diskutojnë rreth proçesit aspak dinjitoz dhe respektues për njerzit në nevojë ekstreme . Kështu edhe pse Tv Kopliku me emisionin Jete Tjeter prej 19 javësh “zbulon”, për realitetin aspak të këndshëm të shumë familjeve jo vetëm në Malësi të Madhe por në tërë qarkun Shkoder . Drejtoria Rajonale e Sherbimit Social dhe ato në njesitë administrative e në Bashkit e Qarkut , ndonëse e kanë të vështirë të shkojnë në fshatra për të parë realitetin , por as mediat nuk i shikojnë . Ndaj kanë reaguar dy këshilltarët e së djathtës z. Gjovalin Veshtaj dhe Luigj Gega … Kësisoj ndonse nuk reagon pushteti qoftë ai vendor por as ai qëndror me përfaqësuesit e vetë në qarkun Shkodër , sërisht emisioni Jete Tjeter , gjithënjë e më shumë po mështetet nga ata që nuk kanë pushtet , por kanë zemren e mirë , kanë vullnetin për të kontribuar në përmirsimin e jetës së familjeve në nevojë . Ndaj si gjithënjë shoqata Duart e Hapura me president Aleksander Nilaj , por edhe Malësorë me zemër bujare edhe pse i lindur në Amerik si Sabiel Vushaj , i janë bashkuar armatës së emisionit Jete Tjeter duke bërë të mundur t’ju dhurojmë pak buzqeshje 10(dhjetë) familjeve të besimit katolik , në këto ditë feste . Por jo vetëm këta , me ne janë bashkuar , madje në një linjë mendimi dhe veprimi edhe nxënësit e shkollës 9vjeçare “Prek Gjoni” Bajzë … Ndërkohë që një grup nxënësish të Gjimnazit që mbanë emrin e poetit dhe mësuesit “Dod Kaçaj” po në Bajzë , sëbashku me drejtorin e tyre Engjell Kalaj dhe administratorin e njësisë administrative Kastrat , Emiljan Gjeka , theksojmë i vetmi pushtetar deri tani që del nga rreshti i të mos ardhurve . Ndërkaq udhëtimi i ynë ka vazhduar duke dhuruar buzeqeshje . . . Udhëtim ky i cili vazhdon dhe do të vazhdojë gjatë , sepse ne nuk kemi arsye të ndalemi për sa kohë gjithnjë e më shumë po bëhemi me skuadren tonë dhe ku ka më bukur se kaq , kur për të dhënë sado pak ndihmë për këto familje ne na janë bashkuar , ashtu siç e kemi cituar edhe herë të tjera , mjaftë të rinjë shqiptarë që banojnë e jetojnë në Europë apo Amerikë , por edhe të rinjë si Albina Kokaj apo siç e thërrasin , “vajza e Klanit” . Kësisoj , pra stafi i emisionit Jete Tjeter , kështu zgjerohet nga java në javë , duke i dhënë dimensionin e duhur . Ndaj edhe ne kemi të drejtë të krenohemi me suksesin e punës tone . Javën tjetër ju paralajmerojmë se do të njiheni me një tjetër surprizë interesante , duke gëzuar një nga familjet pa strehë , ku do të mësoni se si fillojë çelja e themeleve për shtëpinë këtu në qytetin e Koplikut .
Foto përshtatëse :
