Nga Senad Nikshiqi 
Në 70 vjetorin e lindjes së tij, reparti paliativ në spitalin rajonal të Shkodrës ka marrë emrin e doktor Skender Zaimaj i cili 15 vite më parë u nda nga jeta pas një sëmundje.Në këtë 70 vjetor të lindjes, spitali rajonal i Shkodrës mblodhi në një takim mjektë, miq të doktor Zaimaj si dhe familjen e tij.Ndërkohë edhe shumë mjek të tjerë të Shkodrës me të cilët punoi për vite me radhë e kujtojnë doktor Skender Zaimaj si një profesionist në kohë të vështira i cili merrej me sëmundjet kanceroze si dhe një persona me vlera të larta humane.Drejtorja e spitalit rajonal të Shkodrës Xheni Halili u shpreh se është një nder që reparti onkologjik merr emrin e doktor Skender Zaimaj ku ai shërbeu me përkushtim për vite me radhë. 
Bashkëshortja e doktor Skendër Zaimaj, Lindita Zaimaj mes lotësh e emocionesh falenderon për këtë nderim që i bëhet figurës së tij.Doktor Skender Zaimaj shërbeu për mbi 30 vite në spitalin rajonal të Shkodrës duke u kthyer shumë shpejt në një mjek tejet të aftë të sëmundjeve kancerogjene si dhe duke ndihmuar me qindra pacient që kaluan në duart e tij, shumë prej të cilëve u shpëtoi jetën edhe pse shëndetësia ishte në kushte të vështira.Pas një sëmundje të rëndë doktor Skender Zaimaj 15 vite më parë u nda nga jeta në moshën 54 vjeçare duke lënë një boshllëk të madh në shëndetësi si dhe mes familjes, të afërmve e miqve të shumtë të tij por edhe mbarë qytetit të Shkodrës për emrin që la dhe kontributin e tij të madh.
