Një artist si Viktor Paloka, pa mëdyshje ka merituar një vlersim kaq të lartë,”Mjeshteër i Madh” , akorduar nga Presidënti i Republikës.Ja si e vlderson Presidënti……Thelbësore për të ardhmen e kombit tonë është dashuria, mbrojtja dhe forcimi i familjes, Atdheut, trashëgimisë kulturore dhe traditave më të mira shqiptare.
Një kontribut të rëndësishëm në këtë drejtim ka dhënë familja patriotike Paloka nga Vau i Dejës, e njohur për lëvrimin e folklorit, këngëve e rapsodive, që ka nxjerrë nga gjiri i saj, për pesë breza, mjaft artistë popullorë.
Viktor Paloka, rapsod interpretues dhe organizator artistik është padyshim një prej pinjollëve më të shquar të saj, krijues i qindra teksteve, i vlerësuar me çmime, trofe e diploma nderi, botues i disa librave dhe albumeve muzikore, i cili me pasion e përkushtim punon pa u lodhur për ruajtjen dhe përhapjen e trashëgimisë kulturore shqiptare përmes këngëve, valleve, instrumentave dhe kostumeve origjinale.
Në nderim të kontributit të gjatë e të çmuar për ruajtjen dhe pasurimin e trashëgimisë sonë kombëtare, si dhe të veprës së tij artistike, kisha kënaqësinë të vlerësoja sot z.Viktor Paloka me Titullin e lartë ‘Mjeshtër i Madh’.
