Reshje me intensitet të lartë ka patur në të gjithë vendin që nga mbrëmja e djeshme, por kryesisht në veri, veri-perëndim por edhe në skajin jugor. Gjirokastra, Përmeti, Tepelna dhe Vlora. Nga Bajram-Curri deri afër kryeqytetit. Edhe në Tiranë ka patur herë pas here rrebeshe të shiut. Në 80% të territor shqiptar pritet që të vijojë me këto rrebeshe të herë pas hershme me intensitet shumë të lartë të reshjeve. Kjo bën rritjen e riskut të përmbytjeve dhe të zgjerohet zona ku deri në këto momente ka patur përmbytje krejt të vogla dhe urbane.Sonte në mbrëmje dhe gjatë natës intensiteti i reshje do të jetë shumë i lartë. Nesër paradite pritet një qetësim i situatës. Reshjet nuk do të ndalojnë, por me intensitete shumë të ulëta.Deri të mërkurën pritet të bien edhe 120-150 mm reshje në veri dhe në skajin jugor të vendit dhe diçka më pak në zona qëndrore, bën me dije meteorolgoia Tanja Porja.Presim një stabilizim të situatës nga dita e enjte deri në fund të muajit. Në fundin e muajit pritet sërish një situatë me reshje, por nuk bëhet fjalë për ngjarje si e mbrëmshja apo ajo çfarë na pret deri ditën e nesërme. Gjithashtu pritet edhe rënie temperaturash.