Alpet shqiptare me bukuritë e tyre natyrore, me potencialin e pasurive kulturore, mikpritja dhe bujaria e madhe e banorëve të zonës, padyshim janë shndërruar në destinacionin më atraktiv që tërheqin gjithnjë dhe më shumë vëmendjen e turistëve vendas dhe të huaj, të cilët përveçse shijojnë këtë oaz qetësie, përjetojnë dhe jehonën e copëzave të historisë së tyre, që ndër shekuj kanë mëkuar tek brezat idealet e shqiptarizmës dhe identitetit kombëtar.
Kuvendet Kombëtare të Alpeve janë gjithmonë një revokim i historisë dhe krenarisë së tyre në përpjekjet për mëvetësi ndaj çdo pushtuesi të çdo kohe, si dhe janë një testament për gjeneratat e ardhshme, që asnjëherë të mos reshtin së punuari dhe së luftuari për orientimin dhe integrimin e Shqipërisë drejt familjes së vlerave qytetëruese europiane, si aspirata e kahmoçme e shqiptarëve.
E impresionuar për përmasat mbarëshqiptare të këtij Kuvendi dhe mesazhet e përcjella, dua të përgëzoj organizatorët dhe t’ju shpreh falënderimet e mia për ftesën!
Përzemërsisht, Lula Mema
