𝐌𝐞𝐭𝐚 𝐩𝐫𝐞𝐭 𝐧𝐞̈ 𝐏𝐫𝐞𝐬𝐢𝐝𝐞𝐧𝐜𝐞̈ 𝐩𝐚𝐬𝐚𝐫𝐝𝐡𝐞̈𝐬𝐢𝐧 𝐞 𝐭𝐢𝐣, 𝐩𝐚𝐤 𝐦𝐢𝐧𝐮𝐭𝐚 𝐩𝐚𝐫𝐚 𝐥𝐞̈𝐧𝐢𝐞𝐬 𝐬𝐞̈ 𝐝𝐞𝐭𝐲𝐫𝐞̈𝐬
Ilir Meta ka pritur në Presidencë kreun e shtetit Bajram Begaj. Në fotot shihet momenti kur Meta takohet me Begajn, pak minuta para se të dorëzojë zyrtarisht detyrën.
Protokolli i Shtetit ka vendosur që e gjithë ceremonia të zhvillohet mes Presidencës dhe Pallatit të Kongreseve, në një hapësirë të krijuar rishtazi ku kanë nisur të mbërrijnë përfaqësues të trupit diplomatik dhe kryesisht deputetë.
Garda e Republikës ndërkohë ka vendosur një detektor metalesh ku po zhvillohet kontrolli fizik i të gjithë personave që do jenë pjesë në ceremoni.
Aty ndodhen gjithashtu Banda Frymore e Ushtrisë, trupa ushtarake të Marinës dhe reparteve të tjera të Forcave të Armatosura.