Rreziku nga aksidentet po bëhet gjithnjë dhe më evident pranë zonave ku kalon hekurudha . Jo vetëm mbikalimet e paligjshme , por dhe ato të ligjshme , për shkak të mungesës së sinjalistikës po kthehen në një preçedent tepër të rrezikshëm .
Pergjatë linjes hekurudhore Lezhe – Shkoder – Han i Hotit , mbikalimet e hapura vijojnë të jenë një rrezik serioz për jeten e kalimtareve . Këtë realitet tashmë 27-vjeçar , askush , pra asnjë Qeveri deri më tani nuk ka marrë mundimin ta ndryshojnë . Gjatë nates mungon edhe ndriçimi pranë mbikalimeve mbi hekurudhë , gjë e cila e shton tej mase rrezikun nga përplasja me trenin . Kësisoj përgjate linjës hekurudhore Lezhe – Shkoder – Han i Hotit ka një numër të madh të mbikalimeve të cilat janë të hapura dhe burim aksidentesh për kalimtaret . Nuk kanë munguar ndër vite rastet e aksidenteve me pasoja në jetë njerëzish gjatë përpjekjeve për të kaluar mbi këto mbikalime të paligjshme . Në 27 vitet e fundit , në të dy anët e hekurudhave dhe fare pranë traueve janë bërë ndërtime të shumta , ndërkohë që mungon një studim i mirëfilltë për këtë situatë dhe se si mund të parandalohen tragjeditë . Kjo vihet re në tërë gjatësinë e hekurudhes , veçanarisht edhe në teritorin e M.Madhe . Nderkaq duhet theksuar se prej vitesh , Hekurudha Shqiptare jo vetëm është lënë pas dore nga Shteti , por ka qenë dhe objekt i vjedhjeve apo grabitjeve të ndryshme . Rasti më i fundit ishte një ditë më parë kur treni i linjës Shkodër-Vorë u përplas me një furgon mallrash duke lënë të plagosur dy persona . Ndaj kërkohet që Shteti të mos e lënë pas-dore këtë sherbim jo të vogel transporti , për më tepër , nuk duhet kthyer në një qender punesimi militinatesh dhe vetem kaq .
