Shkodra ka detyrim që gjatë këtij viti kushtuar Gjuhës Shqipe të jetësojë të gjitha figurat e nderuara që kanë dhënë një kontribut të çmuar për shêjin mâ të naltë të kombit shqiptar “GJUHËN AMTARE “.
E për këtë arsye, në nderim të Ditës së Gjuhës Amtare, gjimnazi “Jordan Misja” organizoi sot një aktivitet kushtuar intelektualit dhe mësuesit të saj të nderuar Z. Zija Vukaj me titull “Déjà vu në amtarisht”.
ZIJA VUKAJ… poet, shkrimtar, përkthyes, studiues, kritik letrar, kulturolog, mësues që kontribuon në edukimin e brezave prej dekadash, figurë që ka një rol të ndjeshëm në kulturën e një qyteti si Shkodra.
Dua të falënderoj me shumë përzemërsi të gjithë të pranishmit, mësues e pedagogë të Gjuhë Shqipe dhe Letërsisë dhe në mënyrë të veçantë drejtorin e DRAP Lezhë Z. Hasan Muça, drejtoreshën e Arsimit, Kulturës e Sportit pranë Bashkisë Shkodër Znj. Anila Gjyrezi, kompozitorin dhe profesorin e nderuar Z. Zef Çoba, skulptorin duarartë Z. Ferid Kola, profesoreshë Diana Kastratin, profesor Arben Prendi, artistat brilantë Z. Rita Gjeka dhe Jozef Shiroka, këshilltarin Z. Mirsad Basha.
Njëkohësisht dua të shpreh mirënjohjen time të thellë për Profesor Zija Vukaj që i dha kuptim dhe vlerë të jashtëzakonshme kësaj dite të veçantë për kombin tonë. JEMI ME FAT DHE KRENARË për ju profesor!
