Ish-deputetja e PD-së, Izmira Ulqinaku ka akuzuar sot kandidatin e Bindjes Demokratik në Malësinë e Madhe, Pjerin Spathari, se mori pjesë në një farsë elektorale.
Sipas PD-së, Pjerin Spathari, kandidati i BD pas dështimit në zgjedhjet e 30 qershorit është emëruar në postin e Drejtorit të Rajonal të Bujqësisë.
“Në zgjedhjet farsë, Edi Rama emëroi opozitën farsë. 30 Qershori ishte prova e qartë se Rilindja dhe Bindja janë nënë e bijë!
Kush ka patur keqkuptimin apo ka menduar ndryshe sot po i japim fakte se simbioza mes tyre është e pandashme. Bindja është patericë e regjimit kriminal të Rilindjes si në votimet fallco ashtu edhe në vazhdim. Kështu është si në Shkodër dhe në gjithë Shqiperinë.
Pjerin Spathari kandidat i Bindjes Demokratike për bashkinë Malësi e Madhe, tani është emëruar drejtor i Drejtorisë Rajonale të Bujqësisë së Rilindjes. Ky është shpërblimi për shërbimin e mercenarit”, thekson Ulqinaku.
