Nga Ndue Dedaj
(Ribotimi)
Dy ditë më parë Profesor Ismet Elezi, Tiranë, shkruante në profilin e tij në Facebook: “Jam i lumtur të ndaj me ju lajmin se pas disa vitesh nga botimi i parë, më në fund u realizua ribotimi i Kanunit të Labërisë, për të cilin punova për 25 vjet”.
Ai është një emër i njohur në botën shqiptare, si pedagog themelues i Fakultetit të Drejtësisë, mik i shumë gjeneratave të juristëve dhe jo vetëm.
Më 5 prill të këtij viti Profesor Elezi mbush 104 vjeç. Doemos që do të gjejmë një urim për atë ditë, siç kemi pasur kënaqësinë t’i uronim përmes telefonit 100 – vjetorin dhe tre vitet pas shekullit të tij.
Por urimi më i mirë besoj do të ishte ky që libër i rëndësishëm të hynte në bibliotekën tuaj, siç ka zënë vend prej vitesh dhe në bibliotekën tonë familjare.
Profesori është jo vetëm autor i Kanunit të Labërisë, por një nga studiuesit më të hershëm e më të njohur të së drejtës dokësore shqiptare, krahas Zef Valentinit, Emid Tedeskinit, Syrja Popovcit etj.
N. D.
