Para Europianit, UEFA kishte shpallur rregulla më të rrepta, tani regjistrohet viktima e parë! Spanjolli Rodri nuk do të luajë ndeshjen e radhës në grup, sepse debatoi me arbitrin kundër Italisë (1-0). Mesfushori mori të verdhën e dytë të turneut, kështu që tani do mbetet jashtë. UEFA parashikon që vetëm kapitenët të diskutojnë me arbitrin gjatë turneut – nëse duan të flasin. Kjo për të mos lejuar që arbitri të rrethohet nga disa lojtarë të të dyja skuadrave pas vendimeve të diskutueshme. Rodri e injoroi rregullin dhe sulmoi gjyqtarin Viçiç. Por ndalimi i Rodrit nuk është shumë i hidhur për spanjollët. Kombëtarja ishte skuadra e parë në turne që u kualifikua në fazën e të 16-ave si e para në grup. Në ndeshjen e fundit në grup kundër Shqipërisë (e hënë, ora 21:00), pritet që trajneri i kombëtares, Luis de la Fuente, të bëjë rotacion.
