Këtë sezon 7 raste të rënda dhe nuk është shënuar asnjë humbje jete
Me kërkesën e Kryetarit të Bashkisë së Shkodrës, Benet Beci, qendra shëndetësore në njësinë adminsitrative të Velipojës do të kthehet në një qendër shërbimi 24 orësh me personelin dhe shërbime të shtuara.
Kjo u bë e ditur gjatë inspektimit që bënë Ministrja e Shëndetësisë Ogerta Manastirliu dhe kryebashkiaku Beci në qendrën shëndetësore verore në Plazhin e Velipojës, e cila ofron shërbim 24 orësh për pushuesit.
Që nga fillimi i sezonit veror në këtë qendër kanë marrë shërbim shëndetësor mbi 2000 pushues, janë trajtuar 7 raste të rënda dhe nuk është shënuar asnjë humbje jete.
