Ka vite që shoh me dhimbje përplasjen e kelmendasve me bashkinë, bash me ata, që me dashni e enden këtë festën e “Logut të Bjeshkve” e ngritën këtë “kala” madhshtie me forcat e tyne, jo vetëm me kallxu bukurinë e malësoreve me xhublet,por për me tregue tanë atë pasuni që trashigun nga të parët tanë bukurinë e dashnin e asaj zone.
Deri këtu bukur mirë, por një ditë bashkia me shtatqind drejtorit e kulturës cohen peshë e jua marrin festën duke i nxjerr jashtë loje ata që ndër vite i dhanë jetë e zemër kësaj feste. Nuk asht burrni, nuk asht as begeni, as nder nuk ju ban kjo punë…
Për besë asht e randë kjo situatë, dy festa logu nuk banë, as dy sofra në nji vend, as kjo përplasje organizatorsh, se dihet kush fiton. E dina fort mirë se bashkia asht e fort në këto punë.
Nuk më pëlqen heshtja e këshilltarve të opozitës, nuk pres reagime nga ata që bashkun votat me bashkinë, por sa herë të bahet padrejtësi kam me fol sa të mundem e ku të mundem. Turp e faqja e zezë për tanë ju që si delni zot Kelmendit!
E dashtun Bashki,
Hiq dorë nga këto marifete e leni kelmendasit ta organizojnë festën e tyne. Ke detyrë me i mbështet, mi ju dhanë nji dorë, mi nimua me fonde, edhe me mbajt fjalën e rastit si mik të takon, por jo me ba ligjin në sofër tyne, ta kam rixhan, mos u ban e ujshme për dy fonde që ajo festë ka, nuk do fitosh dy lekë por do fitosh respekt.
Leni kelmendasit në festën e vet, le ta bajnë si duan ata vetë…
