Konsultimi me publikun për projektbuxhetin e Bashkisë Shkodër për vitin 2022 dhe atë afatmesëm 2022- 2024, është një proces shumë i rëndësishëm për qeverisjen vendore bashkë me komunitetin.Në takimin në njësinë Njësinë Administrative Dajç, ku ishte një pjesëmarrje e gjërë edhe e zonjave, diskutuam për shqetësimet, nevojat, prioritetet për mbështetje nga bashkëadministrimi vendor.
diskutimet e propozimet e banorëve janë perqendruar në:
• Përmirësimin dhe shtimin e terreneve sportive, rritjen e mbështetjes për shërbimet e mirëmbajtjes dhe infrastrukturës në shkolla;
• Përmirësimin e infrastrukturësnë kopshtin në Dajç, kryesisht për disa riparime të nevojshme.
• Problemin e transportit të nxënësve dhe ndërmjetësimin me ZVA Shkodër për mundësmin e përfitimit të këtij shërbimi nga të gjithë;
• Përmirësimin e shërbimeve publike në tërësi:
• Nevojën për shtimin e kontenierëve dhe shtrirjen e shërbimit të mbledhjes dhe transportimit të mbetjeve urbane në zonat ku tashmë është shtrirë infrastruktura rrugore;
• Nevoja për sensibilizim dhe angazhim të komunitetit në vullnetarizëm dhe në mbajtjen pastër të mjedisit;
• Përmirësimin e ndriçimit publik nëpërmjet shtimit të numrit të ndriçuesve dhe vendosjen e tyre në zona me densitet të lartë të banorëve.
• Vijimin e punës për mirëmbajtjen dhe hapjen e sistemit të kanaleve kulluese dhe vazhdimin e investimeve në rrjetin e ujitjes;• Nevoja për përmirësimin e shërbimit të mirëmbajtjes së varrezave publike, duke parë mundësinë e punësimit të disa banorëve të zonës.
• Nevojën për të vijuar me projektet e nisura të infrastrukturës rrugore sipas prioritetetit të vendosur nga banorët e Dajçit dhe konkretisht: Dajç- Rruga e Dakajve, Rruga e Shirqit, Rruga e Lac Gjusheve, Rruga e Mandajve, Rruga e Rrushkullit, Mushan (te stallat).
• Nevojën për sensibilizim dhe aplikimin e masava përkatëse për pagesën e taksave dhe tarifave vendore, si një detyrim për tu përmbushur nga ana e banorëve të Dajçit për të mundësuar financimin e nevojave dhe prioriteteve më sipër.
