Prishtinë/Kryeministri Albin Kurti nuk ka pritur Edi Ramen, por i hap “deren” Benet Becit

Kryetari i Bashkisë Shkodër, z. Benet Beci, zhvilloi një vizitë zyrtare në Kosovë, ku është pritur nga kryeministri Albin Kurti.

Në këtë takim temë diskutimi ka qenë rëndësia e bashkëpunimit ndërmjet qytetit të Shkodrës dhe Gjakovës dhe rifuqizimi i lidhjeve historike e kulturore ndërmjet dy qyteteve.

Projekti për rrugën Shkodër- Gjakovë, është vlerësuar gjatë bisedimeve si shumë i rëndësishem për zhvillimin ekonomik e në veçanti të turizmit.

Mundësitë që ekzistojnë për thellimin e bashkëpunimit mes dy qyteteve shqiptare ishin në qendër të diskutimit edhe në takimin që kryebashkiaku Beci pati me kryetarin e komunës së Gjakovës, z. Ardian Gjini, gjatë vizitës në Gjakovë.

Përveç projektit të rrugës që do të lidhë dy qytetet, Beci dhe Gjini diskutuan edhe për projektin e hekurudhës Kosovë – Shqipëri, që përfshin edhe Shkodrën e Gjakovën.

Dy kryebashkiakët ranë dakord për intensifikimin e takimeve institucionale për arritjen e rezultateve konkrete të bashkëpunimit.