Dita e Alfabetit, Spiropali i dhuron 10 foto Muzeut të Kongresit të Manastirit: Dhuratë modeste, por…

Përg MIMOZA STAKAJ

Kryetarja e Kuvendit,Elisa Spiropali, me rastin e Ditës së Alfabetit, në emër të Kuvendit, i dhuroi Muzeut të Kongresit të Manastirit disa foto nga ditët e Kongresi

Spiropali u shpreh se fotot flasin për rrugëtimin epik drejt shkrimit të Shqipes me alfabetin latin. Sipas saj, Kongresi i Alfabetit është një ngjarje madhore historike, që lidhet pazgjidhshmërisht me identitetin kombëtar, kulturën, artin, arsimin, dijet.

Downlo“Kongresi i Alfabetit të Gjuhës Shqipe është një prej ngjarjeve më madhore të historisë tonë që lidhet pazgjidhshmërisht me identitetin tonë kombëtar, kulturën, artin, arsimin, dhe dijet në përgjithësi.

Kongresi i Manastirit kurorëzoi rrugën e gjatë e të mundimshme drejt shkrimit me Alfabet latin të Shqipes, gjuhës sonë të bukur, të shenjtë, të mirë e të dlirë.

51 fotove dhe 58 dokumenteve të Muzeut të Kongresit të Alfabetit në Manastir, të cilat na dëshmojnë këtë rrugëtim epik, po u shtohen edhe këto 10 foto, një dhuratë modeste që Kuvendi i Shqipërisë i bën këtij Muzeu, në prag të 22 nëntorit, Ditës së Kongresit të Manastirit, e cila me vendim të qeverisë shqiptare kremtohet në Shqipëri si Dita e Alfabetit Shqip.

Ja si i këndoi Shqipes Homeri ynë, Kryetari i Kongresit të Manastirit, At Gjergj Fishta

Porsi kanga e zogut t’verës,
qi vallzon n’blerim të prillit;
porsi i ambli flladi i erës,
qi lmon gjit e drandofillit;
porsi vala e bregut t’detit,
porsi gjàma e rrfès zhgjetare,
porsi ushtima e nji tërmetit,
ngjashtu a’ gjuha e jonë shqyptare.

Dhe ja Naimi ynë,

Gjuha jonë sa e mirë!
Sa e ëmbël sa e gjerë
Sa e lehtë sa e lirë!
Sa e bukur sa e vlerë!”, shkruan Spiropali.