ZANA TAKO 
Njeriu zgjedh të jetë i lirë ose i nënshtruar. Zgjedhja është si loja e dominosë që nuk luhet me shumë gurë. Ai që di të hedhë gurin e fitores nuk ka frikë se do humbasë. Fundja, humbja është pjesë e lojës. Por ai që e sheh gurin të hidhet në lojë me ndjenjën e frikës, nuk e ka të sigurt fitoren, e pasiguria është shansi i tij i humbur.
Në jetë na bie të takojmë të humbur dhe të fituar. Nga të humburit mësojmë shumë, ashtu siç mësojmë edhe nga të fituarit. Por bukuria e mësimit qëndron në faktin se si i sheh këta dy shembuj, me ndjenjën e spektatorit, apo me atë të të jetuarit i përfshirë në këtë mësimdhënie!
