Natyrisht që për të gjithë Shqiptarët , djemt e kombëtares , janë krenaria dhe njerzit që na ngjallin përherë emocion . Veçse në rastin konkret , Hysaj dhe Balaj , për çdo Shkodran dhe Malësor ka super krenari dhe shumë më shumë emocion . Këta dy djem , sa herë i shohim jo vetëm me kombëtaren , por edhe me skudrat e tyre , ne na bëjnë të harrojmë hallet dhe streset e ditës . Të gjithë i kemi syt tek koka dhe këmba e tyre . Kësaj rradhe në pragndeshjen me Norvegjinë , sërish super krenari , këta dy djemët tanë , “pushtua” ekranet s’bashku , kështu do “zaptojnë” edhe fushën e lojës … E pra këta janë krenaria Jonë …
Me sfidën miqësore të së hënës në Elbasan kundër Norvegjisë , kuqezinjtë nisin një kapitull të ri nën drejtimin e Panuccit në kuadër të fillimit të ndeshjeve të ligës së kombeve . Impenjimi në seancat stërvitore që po zhvillohen në Durrës ka qenë maksimal , sikurse edhe regjimi strikt dhe rregullat e forta të teknikut Italian i cili nga ana tjetër duket sikur i ka idetë e qarta për formacionin , pavarësisht se dertimi i Grezdës ia ka prishur disi humorin . Norvegjia bëri një paraqitje super kundër Australisë duke fituar 4 me 1 së fundmi dhe kjo gjë sipas Elseid Hysajt tregon se ndeshja do të jetë tepër impenjative .
“Përveç Europianit , ndeshja e parë që kam bërë në Norvegji , ishte një emocion mjaft i madh , pasi ishte dhe debutimi im me fanellën e Kombëtares . Tani po vazhdoj po luaj çdo herë me Kombëtaren . Është një ndeshje e rëndësishme për ne . Norvegjia është një skuadër e fortë dhe është një provë mjaft e mirë . E pamë të gjithë , çfarë bëri dje në takimin miqësor”
Vëmendja e mediave ishte e madhe ndaj Hysajt dhe së ardhmes së tij tek Napoli , por mbrojtësi pohoi se ndihet mire tek skuadra e Sarrit , dhe se mund të largohet vetëm nëse dikush paguan klauzolën e tij 50 mln euro .
Hysaj pranoi gjithashtu se për të do të ishte vlerësim i madh shiriti i kapitenit tek kuqezinjtë . Ndërkohë në konferencën e së shtunës foli edhe sulmuesi Balaj i cili vlerësoi konkurrencën e fortë për një vend si titullar në fazën ofensive .
“Të them të drejtën pjesë e Kombëtares kanë qenë shumë sulmues të tjerë . Konkurrenca ka qenë gjithmonë . Nuk mund të zësh rehati . Sulmuesit gjithmonë ndërrohen . Gjithmonë kam dhënë maksimumin dhe e rëndësishme është që kam dhënë kontributin tim . Unë jam i gatshëm të jap më të mirën për aq sa të më jepet mundësia . Për ne sulmuesit është e rëndësishme që gjithsecili nga ne të jap më të mirën . Për mënyrën si do luajmë është profesori që vendos . Është maksimumi për çdo futbollist . Do kisha dashur të luaja unë titullar , por është trajneri që zgjedh dhe unë do bëj më të mirën . Në ekip Kombëtar asnjë nga ne nuk i konsideron miqësore , pasi nuk janë shumë të shpeshta . Ndoshta është një karikim më shumë për gjithsecilin nga ne që ti jepet mundësi dhe të japë maksimumin”.
Ndaj , Norvegjisë , Shqipëria ka luajtur 4 herë në eliminatore e miqësore duke marrë 1 fitore , 1 humbje dhe 2 barazime .
