JETE TJETER nr. 18
Gjyste Balaj e zonja e Shtëpisë , pasi na ka pritur ashtu siç i ka hije një gruaje burrneshë tipike Malësore edhe pse e dinte qëllimin e vizites sonë në shtëpinë e tyre , disi e emocionuar por edhe me një frikë , teksa na shoqëron për të ngjitur shkallet , për të na ftuar brënda në shtëpi . Është ndalur dhe na është drejtuar : – “Ju lutem më kuptoni , ju mirë se keni ardhë . Ne tashmë jemi mësuar me realitetin dhe friken e shembjes së shtëpisë çdo orë dhe minutë , por ju lutemi ju kujdes mos t’na e shikoni sherrin .” Dhe kështu jemi futur brënda ku prej tre vitesh jeton i zoti i shtëpisë Ejll Nikoll Balaj , këtu në lagjen Balaj të fshatit Rragam në njësinë administrative Kastrat . Biseda me këtë kryefamiljar, i cili vuan prej tre vitesh nga sëmundje të ndryshme ka rrjellur lirshem , ai na tregoj hallet dhe vështërsite e jetës . . .
Teksa kamëra e TV Koplikut ka fokusuar këto pamje vërtetë rrënqethëse , ku realisht frika e shëmbjes së mureve të kësaj shtëpie gati shekullore ishte prezent në çdo çast dhe për më tepër ky realitet me të cilin tanimë është mësuar kjo familje , është për tu quajtur një guxim , lojë me jetën . Ndërkohë që ne kemi sjell këtë paketë me ushqime për këtë familje e cila as edhe një herë të vetme nuk e ka shijuar dorën e ngrohtë as të bashkisë e as të shoqatave apo njerëzve bemirës . Ne edhe një herë e cituam faktin se bashkëudhëtare me stafin e emisionit “Jete Tjeter” janë përherë vëllezërit tanë në Europë dhe në Amerikë . Kësaj rradhe Aleksander Nilaj president i shoqatës Duart e Hapura , ka mundësuar pikërisht në pragë të festës së Pashkëve t’i dhurojmë një buzëqeshje edhe familjes së Ejll Balaj , këtu në Rragam të Kastratit . . .
Gjystja , e zonja e shtëpisë , gjatë bisedës me ne , shprehet se gjithë merakun e ka për vajzen , Kristinen , e cila ka qënë një nxënëse e mirë në gjimnaz , por gjëndja familjare dhe sëmundja e burrit e kanë detyruar Gjysten të mos i’a mundësojnë Kristinës shkollimin në universitetin e Shkodrës . Tashmë vajza e tyre , fëmija i vetëm i çiftit Balaj , gjithë kohën e kalon duke i’u shërbyer prindërve të saj e veçanarisht babait , Ejllit . Ndërkaq Gjystja na ka treguar se si para 6(gjashtë) muajsh , siç edhe e shikoni në pamje , shtëpia këtu është shembur , ka qënë kuzhina , fatmirësisht , burri ka shpëtuar për mrekulli duke mos e zënë gërmallat brënda . . .
Kështu familja Balaj i priti këto ditë të bardha të pashkëve me frikën se në mbrëmje shtrihen për të fjetur , por frika e shëmbjes edhe e këtyre dy dhomave është prezentë çdo orë e minutë në këtë shtëpi . Ndaj Bashkia Malësi e Madhe nuk duhet të mjaftohet vetëm me një vizitë të administratorit apo të zyrës së emergjensave civile , por sa nuk ështe vonë për ndonjë tragjedi , kërkohet ndërhyrje për një zgjidhje . Ky apel vlen edhe për instucionet e tjera në prefekturen apo qarkun Shkodër . Ky apel , ky zë vlen edhe për ata njerëz zemërmirë , për bizneset për të gjithë sëbashku nga pak le të mblidhemi , të bëjmë shumë për këtë familje . Këto mure realisht rrezikojnë të kthehen ne gërmalla sikurse edhe pjesa tjetër.
Emisioni i plotë :
