Kushdo që ka vendosur të shkojë ne Juglindje apo në Veri , duhet të bëjë kujdes me shpejtësinë për shkak të pranisë së bores . Debora ka përfshire të gjithë Juglindjen . Të gjitha këto akse janë të kalueshme vetëm me zinxhirë . Të bllokuara janë rrugët rurale në zonat malore në të gjithë qarkun Juglindor . Në shume fshatra ka mungese të energjisë elektrike . Reshjet e dëborës të rëna gjatë natës kanë sjelle anomali në akset rrugore , Edhe pse reshjet e dëborës në territorin e qarkut Shkodër kanë tre ditë që kanë pushuar disa rrugë janë të pakalueshme . Kështu në drejtim të Vermoshit 10 km nuk mund të kalohen lirshëm as me makinë të madhe e as me pajset e nevojshme. Qafa e Predelecit është e bllokuar dhe përveç kësaj ka shkarje të tokës dhe fryn erë e fortë . Për këtë shkak disa fshatra janë bllokuar në Kelmend . E njëjta situatë është edhe në disa fshatra të Malësisë së Madhe , në rrugën Bogë-Theth , në zonën e Qaf Thores . Në këtë zonë ka dhe orteqe , kurse në rrugën Theth-Breglumi ka rënie të gurëve e kalimi bëhet me vështirësi .
Foto nga Luigj Gegaj : 
