U TAKUAN LAHUTARET SHQIPFOLES, DHE KENDUAN SHQIP

Nga Musa Kurtulaj

Këto foto çastit janë një “pjezës” e Takimit të Lahutarëve në Malësi të Madhe, mbremjen e sotme ! Pjesmarrës jo vetëm lahutarë të Shqipërisë “zyrtare”, por edhe nga trevat e përtej kufirit si Tuzi, Rugova e tjerë ! Meriton të përshëndetet ky aktivitet pasi është i pari i kësaj natyre që organizohet gjatë 3 dekadave të fundit në Malësi të Madhe, truallin ku At’ Gjergj Fishta shkroi ” LAHUTEN E MALCIS’ “. Qëllimi është që jo vetëm të mos harrohet LAHUTA, pasi është vlerë madhore edentitetit tonë historik dhe artistik, por dhe të trashëgohet tek kengëtarët e rinj ! Fakti që nuk kanë mbetë as 30 lahutarë në gjithë hapësiren shqiptare në Ballkan, tregon se sa urgjente është këthimi i vëmendjes shoqërore e shtetërore, për të ruajtur me çdo kusht traditen e LAHUTES ! Shoqëria Kulturore Malësi e Madhe dhe Bashkia, si bashkëorganizatore të këtij takimi, meritojnë përgëzime ! Kjo edhe si rifillimi i gjallërimit të jetes artistike në Malësi të Madhe, pasi është e papranueshme që M.Madhe nuk përfaqësohet me grup të mirëfilltë artistik që nga viti 1995 ! (Nuk është pa domethenie që ky aktivitet u ndoq me mjaft interesim edhe nga kompozitori i mirënjohur dhe nder më të talentuarit e muzikes shqiptare, Zef Çoba, s’bashku me muzikologet Ritvan Karakaçi e Kolec Gajtani, të ardhur qëllimisht nga Shkodra për të qënë të pranishëm !).