Në takimin me Komitetin Rajonal të Zhvillimit të Turizmit dhe drejtues të njësive të vetqeverisjes vendore diskutuam mbi punën përgatitore në koordinimin e çështjeve që lidhen me sektorin e turizmit në nivel qarku me qëllim menaxhimin efektivisht të turizmit.Në takim, evidentova problematikat të cilat në vitet e shkuara kanë patur ndikim të drejtpërdrejtë tek turistët, ku theksova vemendje maksimale për sigurinë në plazhe dhe në atraksione turistike për të garantuar jetët e njerëzve.
Në takim kërkova angazhim maksimal në zbatimin e planeve të punës nga institucionet kryesore në drejtim të rendit dhe sigurisë publike, krijimit të lehtësirave të hyrjeve e daljeve të turistëve, krijimit të mundësive të qarkullimit të lirë dhe të sigurtë, përballimit të fluksit të udhetarëve, menaxhimin e mbetjeve urbane, plazheve të kontraktuara dhe të atyre pa pagesë për publikun, ndërtimet e paligjshme, stacionet e rojeve bregdetare, furnizimi me ujë të pijshëm dhe energji elektrike, investimi në shëtitoret e plazhit, kontrolli i mjeteve lundruese informale, si kusht për disiplinimin e sezonit turistik në të gjithë bashkitë e qarkut.
