Tre shoqata humanitare Italiane
kanë bërë të mundur dhurimin e disa pakove ushqimore dhe higjenike për 25 familje në vështirësi ekonomike, materiale mjekësore për Spitalin e Koplikut, 1 karrocë elektrike dhe 1 ashensor elektrik për personat me aftësi të kufizuar dhe 30 komplete me lojëra për fëmijët e Qendrës Medpak.
Këto dhurime janë bërë me ndërmjetësimin e vajzës nga Malësia e Madhe me banim në Itali Alketa Delishaj.
Kryetari Tonin Marinaj mirëpriti në zyrë z.Paolo Turriziano, z.Roberto Gabriele dhe znj.Alketa Delishaj të cilëve u shprehu mirënjohjen për kontributin e dhënë në shërbim të komunitetit të zonës sonë.
